B-vitaminir minka um vandan fyri Alzheimer

Fríggjadagur 10. september 2010 - 17:19

Nýggj gransking frá universitetinum í Oxford vísir, at trý sløg av B-vitaminum kunnu minka munandi um vandan fyri at fáa alzheimer-sjúku. Í arbeiði sínum at finna fyribyrgjandi heilivág ímóti demens-sjúku, vísa royndir, at fólk sum taka B12, B6 og B9 (folinsýru) dagliga, eru í minni vanda fyri at fáa alzheimer í mun til tey fólk, sum í royndini bara fingu óvirknan heiligvág, placebo.

Við blaðið BT sigur fremsti alzheimer-granskari í Danmark, Gunhild Waldemar, at ensku kanningarnar eru sera áhugaverdar.

-Hetta eru jalig tíðindi, men vit vita ikki enn, um vitaminurnar hjálpa upp á sjúkueyðkenni, men tað er okkurt, sum bendir á tað, sigur hon við blaðið.

GUNHILD Í FØROYUM
Í sambandi við aljóða Alzheimer-dagin, sum er 21, september, vitjar Gunhild Waldemar í Føroyum hetta vikuskiftið. Leygardagin 11. september 2010, verður almennur ókeypis fyrilestur við Gunhild Waldemar í Norðurlandahúsinum í Havn. Gunhild fer m.a. at tosa um tað nýggjastu vitanina um fyribyrging og viðgerð móti demens-sjúkur.

Tað er Alzheimerfelagið í Føroyum, sum skipar fyri almenna fyrilestrinum í Norðurlandahúsinum, sum byrjar klokkan 16.

Meira um fyrilesturin og alzheimer-sjúkuna á:
www.alzheimer.fo