Ber fyribyrgja Parkinson

Leygardagur 19. februar 2011 - 10:42

Nú er bara at leggja í vaðið við smoothies og bertertu. Tí ber eru fantastisk móti Parkinson.
Nýggjar kanningar frá Harvard Universitetinum í Boston hava staðfest, at ymisk ber, so sum hindber, jarðber og sólber, hava tað í felag, at tey kunnu fyribygja ólekjandi nervasjúkuni Parkinson, ið sum kunnugt elvir til óviljar ristingar og rørslur.

Granskararnir hava funnið eitt samband millum vitamin P og vandan fyri at menna Parkinson. 2-3 koppar av beri um vikuna skuldi gagnað endamálinum. Harumframt kunnu mannfólk fáa eyka gagn av at eta súrepli, appilsin og aðrar sitrusfruktir, vilja teir fyribyrgja Parkinson.
Eini 4-6 milliónir fólk í heiminum hava Parkinson.

Tað skrivar The American Academy of Neurology í einum tíðindaskrivi.

Les eisini