Fimm fyrimunir við at íðka Zumba

Mikudagur 23. mars 2011 - 10:20

Tað eru nógv í Føroyum, sum hava stuttleika sær við orðinum fyri nýggju motións-dilluna Zumba. Úttalan er jú tann sama, sum sunnasta bygd í Føroyum, har tey eru tiltikin sterk, og tað gevur ávísar herligar innaru myndir, um ein ímyndar sær ein stóran seigan sumbing á dansigólvinum til ein Zumba-tíma.

Men lat tað fara í hesum umfari. Hví er Zumba so væl umtókt, spyrja vit.

Blaðið Fit Living hevur gjørt ein lista við fimm fyrimunum við at íðka Zumba.

1.Við Zumba venur tú allan kroppin – bæði bein, mjadnar, flagbróst og armar.

2.Tá tú íðkar Zumba, verður skift millum skjótar og treystar rútmur. Á tann hátt er Zumba eitt eisini eitt slag av interval-venjing.

3.Tú hevur sjálv/ur leiðsluna á venjingini. Tú avgerð, hvussu hart tú vilt venja, og tað kann t.d. verða gott, um tú ert við at byggja upp aftur, aftaná ein skaða.

4.Øll kunnu vera við, tí venjingar-fetini eru einføld, og verða endurtikin alla tíðina. Tá tú ert komin í gongd, fært tú eina størri fatan av at samskipa kropsrørslur við beinum, mjarnum og ørmum samstundis.

5.Orka og gleði eru lyklaorð í Zumbavenjing. Rútmiski látíntónleikurin fær fólk at smílast, og tað er ikki óvanligt at fólk flenna hart, tá tey venja.

Kelda:
Fit Living