Strongd kann elva til demens

Mikudagur 25. august 2010 - 08:09

Ein stór svensk kanning vísir, at kvinnur, sum hava upplivað strong miðskeiðis í lívi sínum, eru í nógv størri vanda fyri at fáa demens, serliga Alzheimer, enn kvinnur, sum ikki hava upplivað strongd. Kanningin byggir á upplýsingar hjá 1415 kvinnum, sum eru fylgdar í 35 ár. 161 kvinnur fingu sum frá leið okkurt slag av demens-sjúku staðfesta, og tær kvinnur, sum í longri tíðarskeið miðskeiðis í lívi sínum høvdu verið sjúkar av strongd, høvdu 65 prosent størri kjans fyri at fáa demens.

Kanningin, sum er ein greining av heilsukanningum hjá svensku kvinnunum í 1968, 1974, 1980, 1992 og 2000, er almennakunngjørd í tíðarritinum Brain.

Granskarar funnu eisini útav, at strongd var størri einstøk orsøk til demens enn yvirvekt, útbúgving, royking, ov høgt blóðtrýst, hjarta- og karsjúkur og rørslu-vanar.

Kelda:
forskning.no

Leif Láadal
skriva til .(JavaScript má vera gildað fyri at kunna síggja teldupostadressun)

Les eisini